|
|
- Enxertos.- O máis
común en cítricos é o enxerto de "xema ou de
escudo": neste enxerto realízase un corte en forma de T no
patrón. Ábrense os lados da casca e insírese a xema da
variedade desexada, de xeito que contacten os cambium de ambos os dous lados.
Logo procédese ao atado do enxerto cun filme transparente ou rafia. Logo
de 15-20 días pódese comprobar se agarrou; nese caso hai que
eliminar o material utilizado para o amarre.
Outro tipo de enxerto de
xema válido para cítricos é o enxerto de "parche ou de
placa": a porción de casca que leva a xema da variedade a enxertar
recórtase en forma de rectángulo duns 2,5 cm de ancho; ao
patrón extráeselle unha peza de igual forma e dimensión
para que o da variedade encaixe perfectamente; únense ambas as
dúas pezas e átanse de xeito similar ao enxerto de
escudo.
|