|
|
- Tratamentos fitosanitarios.-
A comezos do ano cómpre realizar algún tratamento cun
funxicida cúprico recomendado para o seu uso en cítricos,
procurando non aplicalo con baixas temperaturas (inferiores a 10º C) nin
cando exista risco de xeadas.
Este tratamento invernal
axudará a previr algunhas patoloxías causadas por fungos,
algunhas das cales están a aparecer con relativa frecuencia nos
últimos anos, como Phythophthora hibernalis, responsable
de parte das podremias de froitos na árbore, ou de antracnose
(Colletotrichum gloeosporioides), responsable de manchas nos
froitos e de seca das pequenas pólas.
Outras patoloxías
frecuentes na nosa zona que se poden manifestar nesta época
(tamén en outras) son Phythophthora cinnamomi, que é un
fungo do solo que pode levar á morte da planta por atacar ás
raíces absorbentes da árbore ou Armillaria mellea, outro
fungo das raíces que afecta neste caso ás estruturais. Non
existen tratamentos curativos fronte a estes fungos pero poden utilizarse
fosetil-Al ao 80% fronte a P. cinnamomi e cubiet ao 50% fronte a A.
mellea, que axudan a previr o ataque a árbores contiguas. Para
combater estas patoloxías do solo sempre é fundamental a posta en
práctica de certas medidas culturais como son evitar o encharcado
do terreo, eliminar restos leñosos en descomposición etc.
Tamén existe a opción, menos practicada en xeral por non ser
habitual, de eliminar a capa superficial do solo para expoñer as
raíces principais e realizar un tratamento con produtos a base de cobre.
Ademais, nas plantas fortemente afectadas, en primavera pódese realizar
unha poda da copa para reducir o seu tamaño e equilibrala así co
sistema radicular, que estará reducido debido ao ataque dos fungos. Se
malia a realización destas medidas as plantas terminan por morrer, deben
ser eliminadas e debe aplicarse ao solo oxicloruro de cobre ao 20% (a unha dose
de 3 Kg por cada 100 litros de auga) ou cal vivo.
|
|
Síntomas de Phythophthora hibernalis |
|
|
|
Síntomas de antracnose nas pequenas pólas |
|
Síntomas de Phythophthora |
|
Micelio
de Armillaria mellea |
|
As pragas de insectos que poden
aparecer neste período, especialmente dende o inicio da primavera, son
insectos chupadores como pulgóns, cochinillas e moscas brancas.
Tamén é cada vez máis frecuente o minador das
follas dos cítricos (Phyllocnistis citrella), cuxas eirugas
realizan galerías sinuosas na superficie das follas. Para o seu control,
débense aplicar insecticidas rexistrados no cultivo, respectando sempre
as doses da etiqueta e as posibles restricións de
uso.
|
|
Pulgóns |
|
Cochinillas |
|
|
|
Mosca
branca (esq) e minador (dta) |
|