Para un correcto
diagnóstico a mostra debe ser o máis representativa posible dos
síntomas observados en campo.
No caso de plantas pequenas ou de
cultivos en invernadoiro recolleranse cinco plantas completas con terrón
e a terra adherida a el. Evitarase recoller as mostras despois da chuvia ou o
rego para evitar podremias durante o transporte. As mostras envolveranse en
papel de xornal e posteriormente en bolsas de plástico, debidamente
etiquetadas, para evitar confusións.
No caso de árbores
adultas ou plantacións establecidas recolleranse mostras de madeira,
pólas, raíces e froitos se procede, e substrato (a unha
profundidade de entre 20 e 40 cm) de cinco plantas con síntomas en
diferentes estadios da posible enfermidade envolvéndose e
etiquetándose separadamente. Se existisen setas na base da árbore
ou sobre a madeira recolleranse separadamente envolvéndose en papel de
xornal para o seu traslado ao laboratorio.
Se se trata de insectos,
ademais do aplicable nos parágrafos anteriores, o máis axeitado
é envialos vivos no interior dun tubo ou recipiente de cristal ou
plástico, preferiblemente con material vexetal (follas, froitos ou o
órgano do que se alimenten). Nunca se deben esmagar, polo que é
moi importante envialos en recipientes que non sufran danos.
|
|