UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA |
||||
Inicio » Información Fitosanitaria » Avisos Fitosanitarios |
|
|
AVISO FITOSANITARIO
|
||
VIÑA | |||
Mildeu: | |||
Segundo a previsión meteorolóxica, a próxima semana mellorarán as condicións climáticas. Coas precipitacións das últimas semanas, a vexetación xa está suficientemente desenvolvida como para ser receptiva ao mildeu, e se soben as temperaturas é moi probable que aparezan as primeiras manchas. Débese extremar ao máximo a vixilancia, e tratar se aparecen síntomas. |
|||
Trazas: | |||
Xa se teñen capturas de Lobesia botrana e de Eupoecilia (Clysia) ambigüella (a próxima semana comezaremos a publicar as curvas de voo correspondentes). As capturas nas nosas parcelas de seguimento roldan os 25-30 machos, pero non é necesaria a aplicación de ningún insecticida. |
|||
MACEIRA | |||
Moteado: | |||
Ata o de agora non apareceron os primeiros síntomas, pero cando cesen as chuvias é moi probable que se manifeste a enfermidade. Polo tanto, especialmente naquelas variedades máis sensibles como Golden, cómpre aplicar un tratamento cando mellore a climatoloxía. |
|||
Pulgón ceniciento: | |||
Apareceron as primeiras colonias nas maceiras de todas as zonas de seguimento. Un ataque precoz deste áfido pode producir deformación de follas, xemas e froitos, polo que hai que prestar moita atención á evolución das poboacións. |
|||
MELOCOTOEIRO | |||
Lepra: | |||
Despois das chuvias é conveniente aplicar un tratamento cun funxicida a base de ziram (funxicida recomendado polo Ministerio) para protexer as árbores fronte a esta enfermidade. |
|||
EVONYMUS | |||
Oidio: | |||
En zonas relativamente resgardadas das precipitacións obsérvase unha abundante presenza deste fungo. Debido a que as follas cubertas de micelio poden chegar a necrosar, aconséllase a aplicación dun tratamento. |