Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio »Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Nov05	Piñeiro

Out18	Froiteiras e Viña

Set17	Viña

Ago27	Viña, Maceira e Tomate

Ago19	Viña, Maceira e Tomate

Ago12	Viña, Maceira e Tomate

Ago05	Viña, Maceira, Varios Cultivos, Castiñeiro e Tomate

Ago02	Viña

Xul29	Viña e Maceira

Xul26	Viña

Xul22	Viña, Maceira e Pataca

Xul19	Viña

Xul15	Viña e Maceira

Xul12	Viña

Xul08	Viña, Maceira, Platano de Sombra e Moreira

Xul05	Viña

Xul02	Viña e Pataca

Xul01	Viña, Maceira e Castiñeiro

Xun25	Viña, Maceira e Piñeiro

Xun23	Viña e Mirabel

Xun18	Viña, Maceira e Chopo

Xun11	Viña, Maceira, Pereira e Tomate

Xun04	Viña, Maceira, Pereira e Evónimo

Mai28	Viña, Maceira e kiwi

Mai21	Viña, Maceira, kiwi e Pataca

Mai14	Viña, Maceira, Camelia e Pataca

Mai10	Pataca

Mai07	Viña, Maceira, Melocotoeiro e Camelia

Abr30	Viña, Maceira, Melocotoeiro, Evonymus e outras ornamentais

Abr23	Viña, Varios Froiteiras, Froiteiras de pebida e Cítricos

Abr12	Viña, Kiwi, Varios cultivos e especies ornamentais e Camelia

Mar26	Viña e Piñeiro

Mar08	Maceira, Pereira, Ameixeira, Froiteiras de oso, Viña e Kiwi

Feb04	Piñeiro

AVISO FITOSANITARIO

07/05/2010

VIÑA Estado fenolóxico: Acios visibles - Acios separados
Mildeu:
Detectamos as primeiras manchas de aceite nas nosas parcelas de seguimento do Rosal e Soutomaior. Nos demais terreos, cos tratamentos efectuados, non houbo avance da enfermidade. Non obstante, a previsión meteorolóxica anuncia tempo inestable para os próximos días, polo que hai que permanecer alerta ante a posible aparición de novos síntomas e tratar en caso de que se detecten.
Black rot:
Apareceu no Condado unha folla con síntomas desta enfermidade, que polo tanto se manifesta antes que na campaña anterior. Aínda non é necesario tratar, pero hai que incrementar a vixilancia en previsión de que as condicións climáticas favorezan novas infeccións.
Trazas:
Ademais da instalación de trampas para a captura dos machos destas especies, débese empezar a poñer atención aos acios para detectar os primeiros signos de actividade larval naquelas parcelas en que o estado fenolóxico estea máis avanzado.
Ácaros:
Recibimos na Estación as primeiras mostras de follas da bisbarra do Salnés con *presenza de ovos e formas móbiles (larvas) de araña vermella Panonychus ulmi.* Polo momento só se trata dun ataque moi puntual, que por suposto non alcanza o limiar de tolerancia, polo que non é necesario tratar pero si incrementar a vixilancia (de acariose non detectamos aínda síntomas nin individuos).
MACEIRA
Moteado:
Atopamos os primeiros síntomas da enfermidade na nosa parcela de seguimento de Soutomaior sobre plantas que todos os anos mostran fortes signos de infección como consecuencia da súa elevada sensibilidade ao patóxeno. Ademais, tendo en conta que, segundo a previsión meteorolóxica, haberá condicións favorables nos próximos días, será necesario tratar.
Oidio:
Naquelas parcelas en que se interveu fronte ao patóxeno débese considerar que se o tratamento foi realizado cun produto a base de xofre poderá ter sido lavado coas precipitacións que se están a rexistrar e que haberá que renovalos, pois en plantas testemuña que mantemos sen tratamento continúan a aparecer síntomas.
MELOCOTOEIRO
Lepra:
Continuamos a recibir na Estación mostras con fortes ataques desta enfermidade. Para frear o seu avance débense aplicar tratamentos a base de ziram ao 76%, renovándoos no caso de que se produzan chuvias.
CAMELIA
Pulgóns:
Detectamos as primeiras colonias de Toxoptera aurantii sobre os novos crecementos. Ata o de agora a súa presenza é puntual e non se esperan incrementos poboacionais significativos se, como anuncian as previsións, a climatoloxía permanece inestable, pero aínda así cómpre permanecer alerta.
Chloropulvinaria floccifera:
Tamén observamos as primeiras ninfas e femias novas desta especie. Debido a que só atopamos individuos illados non é urxente a aplicación dun tratamento, pero hai que poñer máxima atención á aparición de novos individuos.