Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio » Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Sep13	Viña

Sep06	Viña e Maceira

Ago30	Viña e Maceira

Ago23	Viña, Maceira, Tomateira, Buxo e Plátano de sombra

Ago16	Viña, Maceira, Marmeleiro, Varias froiteiras, Piñeiro, Buxo e Plátano de sombra

Ago09	Viña, Maceira, Cítricos, Froiteiras de oso, Varias froiteiras e Castiñeiro

Ago02	Viña, Maceira, Castiñeiro e Piñeiro

Xul26	Viña, Maceira, Marmeleiro, Plantas ornamentais e Piñeiro

Xul19	Viña, Maceira, Plantas ornamentais e Plátano de sombra

Xul12	Viña, Maceira, Pereira, Marmeleiro, Froiteiras de óso, Pataca e Plátano de sombra

Xul05	Viña, Maceira, Pereira, Froiteiras de óso, Diversas hortícolas, Pataca e Buxo

Xuñ28	Viña e Maceira

Xuñ21	Viña, Maceira, Cerdeira, Tomateira, Pataca e Evónimo

Xuñ14	Viña, Maceira Nogueira, Piñeiro e Salgueiro

Xuñ07	Viña, Maceira e Buxo

Xuñ01	Viña

Mai31	Viña, Maceira e Varios cultivos

Mai24	Viña, Maceira, Kiwi, Melocotoeiro e Camelia

Mai18	Viña, Maceira, Marmeleiro e Kiwi

Mai15	Piñeiro

Mai10	Viña, Maceira, Kiwi, Camelia e Cultivos hortícolas

Mai09	Viña

Mai04	Viña

Mai03	Viña, Maceira e Cultivos hortícolas en xeral

Abr27	Viña, Maceira, Pereira, Ameixeira, Pataca e Cultivos hortícolas en xeral

Abr16	Varios Cultivos

Abr13	Viña, Maceira, Kiwi, Melocotoeiro, Pexegueiro e Piñeiro

Mar30	Viña, Maceira, Kiwi e Camelia

Mar22	Viña

Mar20	Viña

Mar12	Melocotoeiro, Ameixeira, Kiwi, Camelia e Eucalipto

Feb02	Eucalipto

Feb02	Piñeiro

Ene23	Buxo, Cítricos, Froiteiras e Viña

AVISO FITOSANITARIO

23/01/2012


BOJ
Cylindrocladium buxicola:
Nesta época do ano son moi aparentes no buxo os síntomas causados por este fungo, que lle afecta especialmente ó Buxus sempervirens cv. suffruticosa. Trátase dun patóxeno foliar cuxos síntomas son manchas circulares de cor aceitosa nas follas, así como liñas negras lonxitudinais nos talos. Como consecuencia do ataque pode producirse unha forte defoliación, que se está a observar nestes momentos en moitas sebes da nosa área. É, polo tanto, unha enfermidade moi grave, da que, de momento, non se coñecen medidas eficaces de control, aínda que é moi importante eliminar as follas secas que se van desprendendo das plantas así como a súa aireación. Ademais, debido á súa relación positiva coa humidade elevada, de realizarse regos, estes deben ser por goteo, nunca por aspersión. En canto ás posibles funxicidas a utilizar, nestes momentos estamos a realizar un ensaio de eficacia con produtos de diferente natureza; non obstante, en referencias doutros países sobre a enfermidade recoméndase a combinación de ciprodinil +fludioxonil (en España só hai un produto comercial con esta combinación: Switch, de Syngenta).
CÍTRICOS
Phytophthora hibernalis:
Estamos a recibir na Estación numerosas mostras de froitos de diferentes cítricos afectados por este fungo, que causa unha podremia marrón e a caída da froita (tamén pode orixinar o mesmo a nivel das follas). Para o seu control é fundamental retirar e eliminar todos os froitos afectados (os que se encontran na árbore e tamén os que caeron ó chan). Os tratamentos químicos recomendados en España son fosetil, ó 80%, mancozeb ou diferentes compostos de cobre (neste caso sós ou combinados con outras funxicidas de contacto).
*Mosca branca Aleurothrixus floccosus:*
Nestes días estamos a recibir un elevado número de mostras de cítricos con presenza, no envés das follas, de ninfas desta especie de mosca branca. Cando as poboacións deste insecto son elevadas a árbore debilítase directamente como consecuencia da fumagina, que se instala sobre a abundante melaza que segrega. É moi importante efectuar o seu control nas primeiras fases ninfais do insecto, como a que estamos a observar agora, xa que máis adiante sería máis complicado. Débense aplicar insecticidas como aceite de parafina, clorpirifos ou piridaben, mollando moi ben o envés das follas.
FROITEIRAS (de pebida, de oso, kiwi…)
Tratamentos de inverno:
Neste momento da campaña, cando moitos agricultores están a realizar a poda das froiteiras, pódese aplicar un novo tratamento de cobre para reducir o inóculo de numerosas enfermidades para a vindeira temporada. Ademais, os produtos cúpricos aplicados inmediatamente despois da poda favorecerán a cicatrización das feridas que se produzan, á vez que as protexerán. Non obstante, á hora de formular esta intervención é necesario respectar as recomendacións básicas nestes tratamentos: as temperaturas non deben ser excesivamente baixas (non inferiores ós 8º C) e non debe existir previsión de xeadas para os días sucesivos. Esta intervención é moi importante no kiwi para reducir a incidencia da bacteriose causante do chancro bacteriano orixinado por Pseudomonas syringae pv. actinidiae. Co mesmo obxectivo o kiwi debe podarse en tempo seco e sen néboas, aplicándolle o tratamento cúprico inmediatamente despois
VIÑA
Poda e enfermidades da madeira:
Desde este momento débense aproveitar os días de climatoloxía estable para podar as plantas que manifestaran síntomas de enfermidades da madeira ó longo da campaña precedente. Estas podas aínda se poden atrasar máis, pois canto máis tarde se realicen mellor será. En calquera operación de poda que se practique, pero especialmente na destas plantas, hai que desinfectar as tesoiras, realizar os cortes o máis verticais posible así como retirar e eliminar os restos.