Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio » Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Sep13	Viña

Sep06	Viña e Maceira

Ago30	Viña e Maceira

Ago23	Viña, Maceira, Tomateira, Buxo e Plátano de sombra

Ago16	Viña, Maceira, Marmeleiro, Varias froiteiras, Piñeiro, Buxo e Plátano de sombra

Ago09	Viña, Maceira, Cítricos, Froiteiras de oso, Varias froiteiras e Castiñeiro

Ago02	Viña, Maceira, Castiñeiro e Piñeiro

Xul26	Viña, Maceira, Marmeleiro, Plantas ornamentais e Piñeiro

Xul19	Viña, Maceira, Plantas ornamentais e Plátano de sombra

Xul12	Viña, Maceira, Pereira, Marmeleiro, Froiteiras de óso, Pataca e Plátano de sombra

Xul05	Viña, Maceira, Pereira, Froiteiras de óso, Diversas hortícolas, Pataca e Buxo

Xuñ28	Viña e Maceira

Xuñ21	Viña, Maceira, Cerdeira, Tomateira, Pataca e Evónimo

Xuñ14	Viña, Maceira Nogueira, Piñeiro e Salgueiro

Xuñ07	Viña, Maceira e Buxo

Xuñ01	Viña

Mai31	Viña, Maceira e Varios cultivos

Mai24	Viña, Maceira, Kiwi, Melocotoeiro e Camelia

Mai18	Viña, Maceira, Marmeleiro e Kiwi

Mai15	Piñeiro

Mai10	Viña, Maceira, Kiwi, Camelia e Cultivos hortícolas

Mai09	Viña

Mai04	Viña

Mai03	Viña, Maceira e Cultivos hortícolas en xeral

Abr27	Viña, Maceira, Pereira, Ameixeira, Pataca e Cultivos hortícolas en xeral

Abr16	Varios Cultivos

Abr13	Viña, Maceira, Kiwi, Melocotoeiro, Pexegueiro e Piñeiro

Mar30	Viña, Maceira, Kiwi e Camelia

Mar22	Viña

Mar20	Viña

Mar12	Melocotoeiro, Ameixeira, Kiwi, Camelia e Eucalipto

Feb02	Eucalipto

Feb02	Piñeiro

Ene23	Buxo, Cítricos, Froiteiras e Viña

AVISO FITOSANITARIO

27/04/2012

Nesta semana realizamos a nosa primeira visita semanal a algunhas das parcelas da nosa rede de seguimento (concretamente ás da bisbarra do Salnés). Elaboramos este aviso a partir das observacións desta revisión, dos datos achegados por algúns técnicos e das condicións climáticas pasadas e previstas.

VIÑA Estado fenolóxico: F (acios visibles) - G (acios separados)

Coas precipitacións que se rexistraron neste mes (preto de 200 mm en varias estacións meteorolóxicas) e o descenso de temperaturas acontecido logo dun inverno e dun inicio da primavera suaves-cálidos, a vexetación presenta unha tonalidade máis clara do habitual na práctica totalidade das parcelas. É normal tendo en conta estes eventos climáticos.

Mildeu:

Non vimos síntomas en ningunha das parcelas de seguimento que visitamos, e tampouco nos informaron de que aparecese a primeira mancha en ningunha outra zona. As baixas temperaturas que se están a rexistrar son as causantes do atraso no ciclo do mildeu (ver táboa de desenvolvemento da enfermidade), aínda que as outras condicións necesarias cúmprense. A previsión meteorolóxica anuncia unha melloría do tempo (e suba de temperaturas) dende o fin de semana, polo que nos próximos días se espera a aparición das primeiras manchas en varias zonas. Polo tanto, naqueles terreos nos que non se faga un seguimento específico da enfermidade, é recomendable iniciar os tratamentos cando o tempo o permita; naquelas outras zonas en que si se efectúen revisións periódicas, é máis que suficiente agardar á detección da primeira mancha (o desenvolvemento do mildeu está a ser moi lento nalgunhas áreas).

Desenvolvemento teórico do mildeu (segundo Goidanich)
Comarca	Lugar	Concello	% desenvolvemento
Pontevedra	Areeiro	Pontevedra	19,5
	Barrantes	Ribadumia	24
	Castrelo	Cambados	36,6
Salnés	Corón	Vilanova de A.	65,8
	Pe Redondo	Meis	13,5
	Tremoedo	Vilanova de A.	19,69
Rosal	As Eiras	O Rosal	43,05
Condado	Meder	Salvaterra	18,85
Condado	Cequeliños	Arbo	12,85
Soutomaior	Soutomaior	Soutomaior	12,85

Segundo o método de Goidanich, amplamente utilizado polas Estacións de Avisos do mundo, cando se acade o 100% de desenvolvemento acumulado do mildeu terá concluído o período de incubación teórico e aparecerá a primeira mancha (atención: pode non cumprirse). Pódese tratar preventivamente a partir do 70-80%-80 de desenvolvemento. Os cálculos que dan lugar ao resultado que se reflicte realizáronse a partir dos rexistros das estacións meteorolóxicas de Meteogalicia.

Oidio:

Aínda é pronto para iniciar os tratamentos fronte a esta enfermidade na nosa zona.

Polillas del racimo:

Trampa delta para o seguimento do voo de Lobesia botrana instalada a principios da campaña

Xa se cumpriron os graos-día necesarios para que se inicie o voo de trazas. Aínda que non é necesario tratar a primeira xeración debido aos escasos danos que produce, xa se pode iniciar a colocación das trampas de feromona para o seguimento. Con estas trampas coñeceremos no seu momento cando aplicar os tratamentos necesarios.

MACEIRA

Moteado:

Aínda non vimos os primeiros síntomas. Esta enfermidade vese favorecida por condicións húmidas e temperaturas suaves-altas, co que de rexistraren o anunciado ascenso de temperaturas, aparecerán os primeiros síntomas.

Cydia pomonella:

Instalación da trampa delta na maceira ao inicio da campaña

Xa é un bo momento para instalar as trampas de feromona e para o seguimento do voo.

Pulgón cincento:

Pulgón cincento - Colonia no envés da folla

Vimos a primeira colonia nunha maceira da variedade 'Golden'. Polo momento non é necesario tratar, pero cómpre iniciar a vixilancia, pois os ataques deste áfido poden deformar os froitos.

Pulgón laníxero:

Ataque de pulgón laníxero ao inicio da agromación

Informáronnos da aparición das primeiras colonias deste pulgón nunha plantación de maceiras. Iniciar a vixilancia.

PEREIRA

Hoplocampa da pereira (Hoplocampa brevis):

Estamos a detectar ataques bastante importantes desta praga, que provoca unha caída prematura dos froitos. Para o seu control, hai que aplicar os tratamentos recomendados á caída de pétalos cos insecticidas recomendados (deltametrin ou triclorfon), pois despois xa non son eficaces.

Dexeccións de larva de Hoplocampa en froito

Orificio de saída da larva de Hoplocampa

Dano e larva de Hoplocampa

Detalle da larva de Hoplocampa da pereira

Larva de Hoplocampa

Torcegromos (Janus compressus):

Síntomas de Janus compressus en gromos de pereira

Tamén se están a observar, de forma bastante frecuente, gromos secos debidos ao ataque desta praga. Normalmente non é necesario realizar ningún tratamento mais que en planta nova no viveiro.

Dasineura pyri:

Síntomas de Dasyneura pyri en folla

Nalgunhas zonas, as follas da pereira aparecen enroladas lonxitudinalmente debido ao ataque destes dípteros, que tampouco causan danos máis que en viveiros. Non é necesario tratar.

AMEIXEIRA

Hoplocampa:

Larva de Hoplocampa minuta en froito de cirola

Nalgunhas zonas están a aparecer os primeiros froitos danados debidos ao ataque deste insecto, que debe ser tratado en floración (ver aviso fitosanitario do día 12 de marzo).

PATACA

Epitrix similaris:

Adultos de Epitrix similaris en folla de pataca

Vimos os primeiros adultos nunha plantación. Esta praga é relativamente recente na nosa zona, pero aínda así é importante coñecela polos danos que pode ocasionar (para máis información, ver ficha técnica nº 54: Epitrix similaris. Pulguiña da pataca). Para o seu control, en España non hai tratamentos especificamente rexistrados, pero adoita ser suficiente a aplicación dos insecticidas habituais que se empregan fronte ao escaravello que, segundo nos informaron, está a aparecer tamén nalgunhas zonas.

CULTIVOS HORTÍCOLAS EN XERAL

Varios fungos patóxenos:

Síntomas do mildeu da cebola

Detalle do síntoma do mildeu da cebola

Phytophthora infestans - Síntomas en planta de Mildeu da pataca

Unha vez que cesen as precipitacións cómpre realizar tratamentos fronte aos fungos patóxenos habituais, pois as condicións de humidade que se rexistraron neste mes favorecen o seu desenvolvemento.