Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio » Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Sep13	Viña

Sep06	Viña e Maceira

Ago30	Viña e Maceira

Ago23	Viña, Maceira, Tomateira, Buxo e Plátano de sombra

Ago16	Viña, Maceira, Marmeleiro, Varias froiteiras, Piñeiro, Buxo e Plátano de sombra

Ago09	Viña, Maceira, Cítricos, Froiteiras de oso, Varias froiteiras e Castiñeiro

Ago02	Viña, Maceira, Castiñeiro e Piñeiro

Xul26	Viña, Maceira, Marmeleiro, Plantas ornamentais e Piñeiro

Xul19	Viña, Maceira, Plantas ornamentais e Plátano de sombra

Xul12	Viña, Maceira, Pereira, Marmeleiro, Froiteiras de óso, Pataca e Plátano de sombra

Xul05	Viña, Maceira, Pereira, Froiteiras de óso, Diversas hortícolas, Pataca e Buxo

Xuñ28	Viña e Maceira

Xuñ21	Viña, Maceira, Cerdeira, Tomateira, Pataca e Evónimo

Xuñ14	Viña, Maceira Nogueira, Piñeiro e Salgueiro

Xuñ07	Viña, Maceira e Buxo

Xuñ01	Viña

Mai31	Viña, Maceira e Varios cultivos

Mai24	Viña, Maceira, Kiwi, Melocotoeiro e Camelia

Mai18	Viña, Maceira, Marmeleiro e Kiwi

Mai15	Piñeiro

Mai10	Viña, Maceira, Kiwi, Camelia e Cultivos hortícolas

Mai09	Viña

Mai04	Viña

Mai03	Viña, Maceira e Cultivos hortícolas en xeral

Abr27	Viña, Maceira, Pereira, Ameixeira, Pataca e Cultivos hortícolas en xeral

Abr16	Varios Cultivos

Abr13	Viña, Maceira, Kiwi, Melocotoeiro, Pexegueiro e Piñeiro

Mar30	Viña, Maceira, Kiwi e Camelia

Mar22	Viña

Mar20	Viña

Mar12	Melocotoeiro, Ameixeira, Kiwi, Camelia e Eucalipto

Feb02	Eucalipto

Feb02	Piñeiro

Ene23	Buxo, Cítricos, Froiteiras e Viña

AVISO FITOSANITARIO

21/06/2012

VIÑA Estado fenolóxico: J (callado) [Nas zonas máis avanzadas chegando a chícharo]

Mildeu:

Plasmopara viticola - Fructificación en acio

Unha semana máis temos que falar de condicións favorables ás infeccións ao longo desta semana: aínda que as temperaturas non son excesivamente elevadas nas horas nocturnas, son suficientes para que se produza a esporulación (e unidas á humidade, tamén novas contaminacións). De feito, en todas as zonas, os gromos tenros das plantas control sen tratamentos presentan abundantes manchas incipientes e esporuladas, que nalgúns casos acadan máis do 50% da superficie foliar. Tamén nestas plantas comezamos a observar síntomas no acio. En xeral, as fincas sometidos a tratamentos están libres de manchas, aínda que visitamos unha parcela onde o último tratamento (efectuado a semana anterior) non resultou eficaz e tamén presenta gromos con manchas recentes. Por iso, unha vez máis insistimos na conveniencia de revisar o viñedo uns días despois das aplicacións para confirmar que foron eficaces, aínda que os tratamentos se realicen sistematicamente (por calendario).

As previsións meteorolóxicas anuncian tempo estable para os próximos días, con moi baixa probabilidade de chuvia. De cumprirse, reducirase o risco de novas infeccións.

Oídio:

Sintomas de oidio en acio de albariño

Só vimos novos síntomas nas plantas control que se manteñen sen tratamentos. Cómpre manter a vixilancia, considerando ademais que unha mala protección antioídio pode favorecer a instalación do fungo sobre os acios.

Botrite:

Non observamos novos síntomas, nin sequera sobre as zonas dos acios onde os capuchóns florais aínda non se desprenderon. En principio, para a semana próxima as previsións anuncian clima estable, co que a probabilidade de que xurdan novos síntomas será aínda menor, ao depender este patóxeno moi directamente da humidade.

Black rot:

Tampouco nesta semana vimos novos síntomas na folla. Manter a vixilancia, aínda que se a climatoloxía mellora realmente, o nivel de risco reducirase.

Couzas:

Polo menos nas nosas parcelas de seguimento as poboacións de Lobesia botrana reducíronse sensiblemente nas últimas semanas e de feito nesta só recollemos 2 machos na trampa de Castrelo e un na de Vide (O Condado). Ademais, non se viron novos glomérulos.

Altica quercetorum:

Folla de albariño con larvas de último estadio e danos de Altica

A diferenza da semana anterior, nesta revisión apenas observamos novos síntomas na nosa parcela de seguimento do Condado.

Cicadélidos:

Ninfa do último estadio de Scaphoideus titanus

Cicadélidos recollidos en trampa cromática

Observamos un lixeiro incremento nas capturas de Empoasca vitis nas trampas, e tamén nunha finca do Rosal vimos algunhas ninfas no revés das follas. En calquera caso, os valores son aínda baixos para xustificar un tratamento.

Nesta época tamén hai que iniciar os controis ás follas para a detección de ninfas de Scaphoideus titanus, o cicadélido vector da flavescencia dourada, en especial nas comarcas do Condado e O Rosal onde xa se detectara (o insecto, non a enfermidade)

Ácaros:

Continúan sen aparecer poboacións de ácaros, aínda que o cambio previsto nas condicións ambientais leva asociado un incremento de temperaturas que pode favorecer a súa proliferación.

MACEIRA

Moteado:

Froito con síntomas de moteado

Mancha incipiente de moteado da maceira

Nas plantas sen tratar obsérvanse novos síntomas da enfermidade nas follas. Tamén os vimos nos froitos dunha variedade especialmente sensible. Lembren que este fungo pode afectar ás plantas ao longo de toda a campaña, polo que é aconsellable non descoidar a protección para evitar precisamente danos no froito.

Oídio:

Podosphaera leucotricha - Gromo de maceira con oidio

Tamén nas plantas sen tratar observamos novos síntomas nos gromos terminais, aínda que insuficientes para aplicar un tratamento. Incrementar a vixilancia.

Cydia pomonella:

Carpocapsa pomonella - Penetración larvaria en froito da variedade golden

Nunha das nosas parcelas superouse o limiar de tolerancia por capturas de machos nas trampas. Tamén no caso desta praga é conveniente asegurar a protección permanente das plantas durante a campaña se non se fan seguimentos específicos, porque as eirugas poden danar ao froito ata o momento mesmo da súa recolección.

Pulgón laníxero:

Colonia de pulgón laníxero fortemente parasitada

Gromo de maceira con colonia de pulgón laníxero

Observamos novas colonias nos gromos e nas antigas feridas de poda nas árbores dalgunhas zonas. Nestes momentos, no Rexistro de Produtos Fitosanitarios do Ministerio non se recolle ningún insecticida especificamente autorizado para este fin, pero si hai unha diversidade importante deles destinados ao control de pulgóns (consulte aos técnicos). En calquera caso, nalgunhas plantacións existen poboacións do inimigo natural deste áfido, Aphelinus mali, polo que se a presenza do laníxero é limitada, é preferible permitir a regulación natural por parte do beneficioso.

Pulgón verde:

Tamén deste pulgón vimos novas colonias, neste caso nas follas dos gromos terminais. Este áfido normalmente non causa graves danos (só enrola as follas) polo que, agás que afecten a un número elevado de gromos, en xeral non será necesario tratalo.

CERDEIRA

Cylindrosporium padi:

Cylindrosporium padi - Detalle de manchas na folla

As condicións de elevada humidade que sufrimos esta primavera favoreceron a aparición dos primeiros síntomas desta enfermidade, que pode provocar unha defoliación prematura das árbores. Recoméndase aplicar un funxicida autorizado.

Mosca da cereixa (Rhagoletis cerasi):

Adulto da mosca da cerdeira en trampa amarela

Nas trampas que temos instaladas nas cerdeiras de varias zonas capturamos exemplares deste insecto, cuxas larvas poden causar importantes danos ao desenvolverse no interior dos froitos. Na actualidade a maioría da froita xa estará recollida, pero é importante poñer moita atención para o próximo ano naquelas áreas nas que se atopen cereixas con larvas.

Neste momento da campaña xa non hai medidas de control eficaces para protexer aquelas cereixas que aínda non se recolleron, posto que o insecto presenta unha única xeración ao ano e os tratamentos teñen que realizarse no momento do cambio de cor da froita. En calquera caso, a instalación de trampas engomadas amarelas reduce as poboacións.

TOMATEIRA, PATACA:

Mildeu:

Nesta semana recibimos na Estación varias mostras destas plantas con importantes síntomas de mildeu, situación favorecida sen dúbida pola climatoloxía húmida desta primavera. Naqueles casos nos que aínda non estea próxima a colleita, aconséllase a aplicación dun funxicida con acción curativa, non só preventiva.

EVÓNIMO:

Oídio:

Evonimus (Oidio) - Manchas incipientes de Oidio

Observamos nos parques e sebes de moitas zonas da provincia novos síntomas de oídio nas follas máis tenras. Aconséllase aplicar un tratamento cun funxicida autorizado para evitar o dano estético que causaría a súa dispersión ao resto da masa foliar.