Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio » Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Sep13	Viña

Sep06	Viña e Maceira

Ago30	Viña e Maceira

Ago23	Viña, Maceira, Tomateira, Buxo e Plátano de sombra

Ago16	Viña, Maceira, Marmeleiro, Varias froiteiras, Piñeiro, Buxo e Plátano de sombra

Ago09	Viña, Maceira, Cítricos, Froiteiras de oso, Varias froiteiras e Castiñeiro

Ago02	Viña, Maceira, Castiñeiro e Piñeiro

Xul26	Viña, Maceira, Marmeleiro, Plantas ornamentais e Piñeiro

Xul19	Viña, Maceira, Plantas ornamentais e Plátano de sombra

Xul12	Viña, Maceira, Pereira, Marmeleiro, Froiteiras de óso, Pataca e Plátano de sombra

Xul05	Viña, Maceira, Pereira, Froiteiras de óso, Diversas hortícolas, Pataca e Buxo

Xuñ28	Viña e Maceira

Xuñ21	Viña, Maceira, Cerdeira, Tomateira, Pataca e Evónimo

Xuñ14	Viña, Maceira Nogueira, Piñeiro e Salgueiro

Xuñ07	Viña, Maceira e Buxo

Xuñ01	Viña

Mai31	Viña, Maceira e Varios cultivos

Mai24	Viña, Maceira, Kiwi, Melocotoeiro e Camelia

Mai18	Viña, Maceira, Marmeleiro e Kiwi

Mai15	Piñeiro

Mai10	Viña, Maceira, Kiwi, Camelia e Cultivos hortícolas

Mai09	Viña

Mai04	Viña

Mai03	Viña, Maceira e Cultivos hortícolas en xeral

Abr27	Viña, Maceira, Pereira, Ameixeira, Pataca e Cultivos hortícolas en xeral

Abr16	Varios Cultivos

Abr13	Viña, Maceira, Kiwi, Melocotoeiro, Pexegueiro e Piñeiro

Mar30	Viña, Maceira, Kiwi e Camelia

Mar22	Viña

Mar20	Viña

Mar12	Melocotoeiro, Ameixeira, Kiwi, Camelia e Eucalipto

Feb02	Eucalipto

Feb02	Piñeiro

Ene23	Buxo, Cítricos, Froiteiras e Viña

AVISO FITOSANITARIO

28/06/2012

VIÑA Estado fenolóxico: J (callado) - K (chícharo)

Mildeu:

Plasmopara vitícola - Síntomas de Mildiu larvado en acios

Malia a estabilidade climática que se está a rexistrar dende finais da semana anterior, apareceron novas manchas de aceite nas plantas que se manteñen sen tratar (controis) ao longo da campaña. Nas demais, a situación é diferente entre elas, pois nalgunhas si se observaron novos síntomas e noutras non se aprecia nova actividade do patóxeno.

A previsión meteorolóxica anuncia un cambio nas condicións climáticas podendo producirse precipitacións dende o día de hoxe, co que haberá que incrementar a vixilancia e aplicar un tratamento se se observan novas manchas.

É moi importante non descoidar a vixilancia neste período para evitar que apareza o mildeu larval como consecuencia dunha actuación deficiente.

Oídio:

Folla nova de alabriño con forte presenza do fungo

Ao igual que a semana anterior, nesta revisión só vimos síntomas nas plantas control. Non obstante, recoméndase manter a vixilancia, xa que o estado fenolóxico "grans tamaño chícharo" é un momento moi sensible ao patóxeno, e de feito é conveniente tratar unha vez xeneralizado este estado se o viñedo está composto por variedades sensibles e/ou aparecen síntomas.

Se se aplica este tratamento e está próximo a concluír o período de protección da intervención antimildeu anterior, pódese aproveitar para renovalo e así xuntar os momentos de aplicación.

Botrite:

Non se atoparon novos síntomas do fungo ao ter permanecido o tempo seco e estable nestes días.

A previsión meteorolóxica anuncia un cambio nas condicións climáticas dende hoxe, co que haberá que incrementar a vixilancia e tratar no caso de que se produzan chuvias que manteñan a vexetación húmida durante horas, especialmente nas variedades sensibles.

Black rot:

Danos de black rot en acio

Polo menos nas nosas parcelas de seguimento a situación en relación a esta enfermidade mantívose estable nas últimas semanas. En calquera caso, aínda estamos nun momento de elevada sensibilidade da uva ao fungo, co que se recomenda non descoidar a vixilancia.

A previsión meteorolóxica anuncia que durante o fin de semana empeorarán as condicións climáticas, con maior posibilidade de precipitacións, co que haberá que incrementar a vixilancia.

Couzas:

Nas nosas parcelas de seguimento continúan a ser moi baixas as capturas nas trampas de feromona e tamén a presenza de síntomas da actividade das eirugas nos acios.

Altica quercetorum:

Mantívose a presenza de síntomas en niveis similares aos da semana anterior.

Cicadélidos:

Fronte á revisión anterior (nas que se notara un lixeiro incremento nas capturas de Empoasca vitis nas trampas), nesta semana mantivéronse estables. Por outra banda, atopamos novamente algunha ninfa deste insecto, pero non de Scaphoideus titanus.

Lembren que Scaphoideus titanus, o cicadélido vector da flavescencia dourada, foi detectado en Galicia nas comarcas do Condado e O Rosal. As súas poboacións ata agora foron moi reducidas e nunca portaron o fitoplasma da flavescencia, pero cómpre continuar cos seguimentos. Para máis información sobre o insecto, consulte a nosa ficha técnica Nº61: Scaphoideus titanus Ball. Cicadela branca da vide.

Ácaros:

Unha semana máis temos que referir a ausencia de ácaros nas nosas parcelas de seguimento e nas mostras recibidas na Estación.

MACEIRA

Moteado:

Danos no froito do Moteado da maceira

Nesta semana non vimos novos síntomas da enfermidade. En calquera caso, lembren que, polo menos nas variedades sensibles, é moi importante non descoidar a vixilancia para evitar danos ao froito.

As condicións máis favorables ao fungo son humidade elevada (chuvias, orballo, néboas, etc.) e temperaturas suaves-altas, polo que é nestas condicións cando a vixilancia debe ser extrema e os tratamentos máis precisos.

Oídio:

Nas nosas parcelas de seguimento mantívose en niveis estables a presenza de oídio nos gromos terminais. Se a presenza de gromos co fungo é baixa (situación máis habitual na actualidade), a súa simple eliminación é suficiente para limitar a súa propagación.

Cydia pomonella:

Carpocapsa pomonella - Penetración larvaria en froito da variedade golden

Insistimos unha vez máis en que se debe asegurar a protección dos froitos se non se realizan seguimentos con trampas de feromona para evitar os froitos abichados, que non só poden caer prematuramente senón tamén ser, a nivel das penetracións larvarias, vías de entrada para algúns fungos.

Pulgón lanígero:

Colonia de pulgón laníxero fortemente parasitada

Como referimos no aviso anterior, antes de aplicar un tratamento fronte a este áfido (ou a calquera outra praga) débese comprobar a posible existencia do seu parasitoide Aphelinus mali que, baixo condicións de temperaturas suaves-altas pode regular axeitadamente as súas poboacións. No caso de non detectar o parasitoide e de realizar un tratamento, debe darse preferencia a insecticidas o máis inocuos posibles para a fauna útil, co fin de respectalo no caso da súa chegada máis tardía.