Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio » Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Sep13	Viña

Sep06	Viña e Maceira

Ago30	Viña e Maceira

Ago23	Viña, Maceira, Tomateira, Buxo e Plátano de sombra

Ago16	Viña, Maceira, Marmeleiro, Varias froiteiras, Piñeiro, Buxo e Plátano de sombra

Ago09	Viña, Maceira, Cítricos, Froiteiras de oso, Varias froiteiras e Castiñeiro

Ago02	Viña, Maceira, Castiñeiro e Piñeiro

Xul26	Viña, Maceira, Marmeleiro, Plantas ornamentais e Piñeiro

Xul19	Viña, Maceira, Plantas ornamentais e Plátano de sombra

Xul12	Viña, Maceira, Pereira, Marmeleiro, Froiteiras de óso, Pataca e Plátano de sombra

Xul05	Viña, Maceira, Pereira, Froiteiras de óso, Diversas hortícolas, Pataca e Buxo

Xuñ28	Viña e Maceira

Xuñ21	Viña, Maceira, Cerdeira, Tomateira, Pataca e Evónimo

Xuñ14	Viña, Maceira Nogueira, Piñeiro e Salgueiro

Xuñ07	Viña, Maceira e Buxo

Xuñ01	Viña

Mai31	Viña, Maceira e Varios cultivos

Mai24	Viña, Maceira, Kiwi, Melocotoeiro e Camelia

Mai18	Viña, Maceira, Marmeleiro e Kiwi

Mai15	Piñeiro

Mai10	Viña, Maceira, Kiwi, Camelia e Cultivos hortícolas

Mai09	Viña

Mai04	Viña

Mai03	Viña, Maceira e Cultivos hortícolas en xeral

Abr27	Viña, Maceira, Pereira, Ameixeira, Pataca e Cultivos hortícolas en xeral

Abr16	Varios Cultivos

Abr13	Viña, Maceira, Kiwi, Melocotoeiro, Pexegueiro e Piñeiro

Mar30	Viña, Maceira, Kiwi e Camelia

Mar22	Viña

Mar20	Viña

Mar12	Melocotoeiro, Ameixeira, Kiwi, Camelia e Eucalipto

Feb02	Eucalipto

Feb02	Piñeiro

Ene23	Buxo, Cítricos, Froiteiras e Viña

AVISO FITOSANITARIO

09/08/2012

VIÑA Estado fenolóxico: L (peche do acio) - M (virado) iniciándose nas zonas más cálidas.

Acio de albariño iniciando o envero

Acio de variedade tinta iniciando o envero

Mildeu:

Manchas de aceite en folla de planta control

Só vimos algunhas manchas novas sobre as follas máis tenras das plantas control que mantemos sen tratamento. En ningunha das plantas tratadas apareceron síntomas. Malia as precipitacións rexistradas o pasado sábado, que supoñen condicións favorables á enfermidade, as temperaturas nocturnas sufriron un descenso (mínimas entre 8 e 11ºC nalgunhas estacións), o que supón un freo ás infeccións. Polo tanto, non é necesario tratar, só manter a vixilancia.

As diferentes previsións meteorolóxicas anuncian tempo algo inestable para os próximos días, con néboas persistentes nalgunhas zonas e maior probabilidade de chuvias, o que sen dúbida provocará a aparición de novos síntomas

Oídio:

Manchas de oídio en folla de albariño

Malia a que nalgunhas localidades xa se están a rexistrar néboas, non vimos novos síntomas, nin sequera nas plantas que se manteñen sen tratar nin nas variedades máis sensibles. A partir do virado o fungo aínda pode instalarse sobre as follas e varas, pero xa non causa danos ao acio. Non é necesario tratar

Botrite:

Acio ao inicio da cora con presenza de botrite

Non vimos síntoma ningún da enfermidade. Non obstante, nas variedades nas que todos os anos se producen danos por botrite, ou naquelas viñas nas que haxa feridas nos grans, é recomendable aplicar un tratamento ao inicio do virado; nos demais casos, non é necesario tratar.

Lembren que, na aparición desta enfermidade, non só é importante a climatoloxía (a humidade e as temperatura elevadas favorécenlle) senón tamén a presenza de lesións na uva, polo que mantendo os grans libres de feridas se poden limitar axeitadamente as infeccións

Couzas:

Posta de Lobesia botrana en acio de Albariño

Unha semana máis temos que falar da escaseza das capturas de couzas nas trampas das nosas parcelas de seguimento (de feito, só recollemos un adulto nunha delas). Nos controis realizados aos acios só vimos unha posta.

Cicadélidos:

Cicadélidos - Femia de Scaphoideus titanus

Nesta semana case non se incrementou o número de adultos de Empoasca vitis e de Zygina rhamni recollidos nas trampas, mesmo na parcela do Condado, onde a semana anterior observaramos un notorio aumento. Nos controis ás follas tampouco contamos ningunha ninfa. Non é necesario tratar.

Seguimos tamén sen capturar o primeiro exemplar de Scaphoideus titanus, vector da enfermidade da flavescencia dourada

Ácaros:

Calepitrimerus vitis - Síntoma inicial de acariose

Nesta semana vimos as primeiras poboacións de acariose (Calepitrimerus vitis) nunha planta dunha das nosas parcelas de seguimento do Rosal e noutra da finca de Castrelo. Debido a que se trata de casos moi puntuais e localizados, con apenas un ácaro por folla, polo momento non imos intervir, pero si se recomenda incrementar a vixilancia.

Lembren que os síntomas causados por esta praga poden ser doadamente confundidos con outros, e que non se deben aplicar acaricidas sen ter a certeza da presenza de ácaros nocivos nas viñas

Enfermidades da madeira:

As plantas mortas deben ser eliminadas da plantación

Síntomas característicos de patoloxía da madeira

Continúa a avanzar a presenza de plantas con síntomas, polo que recordamos que se deben marcar para o seu tratamento separado no momento da poda.

MACEIRA

Moteado:

Froito con síntomas de moteado

O descenso das temperaturas nocturnas e a falta de chuvias reduce o risco de infección. Non obstante, sabemos que pode haber danos no froito ata o final da campaña, polo que continúa a recomendarse o mantemento da protección, especialmente nas variedades máis sensibles e onde xa se tivera observado a presenza da enfermidade.

Cydia pomonella:

Carpocapsa pomonella - Penetración larvaria en froito da variedade golden

Nesta semana non se acadou o limiar de tolerancia en ningunha das nosas parcelas de seguimento. Non obstante, noutras fincas a situación pode ser diferente, polo que debe manterse a protección ata o momento da colleita no caso de que non se realice un seguimento específico da praga. No caso de realizar algunha aplicación fitosanitaria nas variedades de maduración estival, debe respectarse escrupulosamente o prazo de seguridade do produto utilizado.

Lembren que esta praga non só ataca á maceira, senón tamén a outras froiteiras: pereira, marmeleiro, nogueira.

Lembren tamén a conveniencia de instalar neste momento as bandas-trampa de cartón nos troncos segundo indicamos no aviso anterior de data 2 de agosto

Pulgóns:

Colonia de pulgón laníxero fortemente parasitada

Mantense a situación referida na semana anterior: estabilidade nas colonias de pulgón verde e pulgón cincento, e aumento no parasitismo do pulgón laníxero por Aphelinus mali.

Araña vermella (Panonychus ulmi):

Formas móbiles na folla

Detalle da coloración típica do ataque de araña vermella

Non se observaron novas plantas afectadas nas nosas parcelas de seguimento nin tampouco recibimos mostras con presenza do ácaro. En calquera caso, naquelas fincas nas que xa teña aparecido, haberá que manter un alto nivel de vixilancia, posto que con temperaturas altas os seus ciclos se repiten rapidamente.

Lembren que os síntomas característicos da presenza de ácaros son un bronceado xeral da vexetación. Con certa agudeza visual tamén poden verse as formas móbiles de Panonychus ulmi

CÍTRICOS

Pulgóns:

Colonia de Toxoptera sp en poliña do limoeiro

Colonia de Toxoptera sp no revés da folla do limoeiro

Estanse a observar colonias de áfidos nos agromados de moitos cítricos. No caso de aplicar un tratamento, hai que respectar obrigatoriamente o prazo de seguridade do insecticida empregado, e non recoller nunca froitos antes de que finalice

FROITEIRAS DE ÓSO

Mal do chumbo (Chondrostereum purpureum):

Nesta semana recibimos algunhas mostras coa coloración prateada-plúmbea característica desta enfermidade. As pólas afectadas (no caso dun ataque localizado) ou as árbores danadas deben ser eliminadas no período estival para reducir o nivel de inóculo presente na parcela.

Este fungo vascular é un parasito das feridas, a través das que penetra. Ademais dos síntomas descritos (descolorado plúmbeo das follas), os gromos das pólas afectadas son máis pequenos (redúcese o vigor) e chegan a secar, facéndoo despois a totalidade da póla e, finalmente, a árbore. Ás veces, nas árbores afectadas poden verse os corpos frutíferos do fungo

A mesma recomendación é aplicable ás MACEIRAS que presenten CANCRO

Síntoma en gromo

Despois do descolorado comeza a necrose das follas

Detalle de folla con síntoma do mal do chumbo

Carpoforo de Stereum

VARIAS FROITEIRAS

Moscas das froitas:

Mosca negra / Mosca Mediterránea - Larva en froito

Nas diversas froiteiras, sobre todo de óso por estar en plena fase de maduración/recollida, ou tamén nos figos, estanse a observar froitos caídos ao chan ou en fase de podremia nas árbores. Ademais de para evitar a instalación sobre eles de certos fungos oportunistas (favorecidos pola calor e as chuvias ou orballos), é moi importante eliminalos co fin de evitar o desenvolvemento de certos dípteros (moscas) que cada ano son máis frecuentes na nosa zona e que poden chegar a afectar aos froitos sans que están a madurar.

A maior parte destas moscas só afectan aos froitos en maduración. As femias realizan a posta perforando a pel, e delas nacen pequenas larvas brancas que se alimentan da polpa e a van destruíndo

CASTIÑEIRO

Tortrícido precoz (Pammene fasciana):

Na nosa parcela de seguimento deste ano apenas temos capturas nas trampas. Dado que a situación noutras zonas pode variar, é aconsellable empezar a colocar xa as bandas-trampa de cartón ondulado para atrapar as eirugas que se retiran a invernar. Estas bandas, ao igual que referimos para a maceira, deben ser retiradas en outono-inverno.