UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA
|
UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA |
|
|||
|
||||
|
||||
| Inicio » Publicacións » Comunicacións » 2006 |
|
IV Congreso
Iberoamericano de Física y Química Ambiental, Cáceres
2006
|
|||||||||||||||||||||||
| Acumulación en suelos agrícolas de cobre, níquel, plomo, y zinc procedentes de lodos de depuradora urbana Pablo Rodríguez, Saleta González, Mª Jose Lema Estación Fitopatolóxica do Areeiro. Servicio Agrario. Excma. Diputación Provincial de Pontevedra. Subida a la Robleda s/n.36153 Pontevedra. efa@efa-dip.org |
||||||||||||||||||||||||
RESUMO: Debido ao crecemento do número de estacións de depuración de augas residuais (EDAR) nos últimos anos, produciuse un elevado incremento dos residuos xerados, esencialmente lodos orgánicos, que suscitan serios problemas á hora do seu almacenamento ou eliminación. Unha das vías prioritarias para a súa valorización é a aplicación a solos de uso agrícola con fins de fertilización e reciclaxe dos nutrientes, aínda que se debe ter en conta que estes residuos conteñen niveis elevados de elementos potencialmente tóxicos como son os metais pesados. Suscítase un ensaio para evaluar a capacidade receptora máxima de lodos de EDAR en solos agrícolas. Para iso aplicáronse cantidades crecentes de lodos de EDAR -con doses entre 5 e 100 t ha-1 p. f.- a dous solos agrícolas ácidos derivados de granito en macetas de 5 L de capacidade. Estes tratamentos repetíronse en 4 ocasións nun curto período de tempo, aplicándose así cantidades acumuladas de lodos comprendidas entre 20 e 400 t ha-1 nun total de 32 tratamentos por cada solo. Determináronse os metais totais extraídos con auga rexia, así como os metais dispoñibles extraídos con DTPA nas 192 réplicas finais. Produciuse un incremento dos niveis totais de cobre, zinc, níquel e chumbo coa aplicación de doses crecentes de lodos, superándose xa con aportes acumulados de lodos de máis de 280 t ha-1 os límites establecidos pola actual lexislación para o cobre, níquel e chumbo. Do mesmo xeito, produciuse un aumento nos niveis biodisponibles (extraídos con DTPA) de cobre, zinc e níquel, sendo máis acentuado este incremento para o cobre e o zinc -acadando valores finais de 10 e 20 mg kg-1 respectivamente- non observándose ningunha variación destacable no caso do chumbo. Para o cobre, zinc e níquel, a aplicación de lodos en doses crecentes provocou un aumento da relación metal dispoñible/ metal total, pasando de niveis de en torno ao 10 ao 15 % no cobre, do 1 ao 15 % para o zinc e do 1 ao 4 % no caso do níquel. En cambio para o chumbo esta tendencia non se reproduce, indicando xa que logo que este metal ten unha movilidad menor no solo e, como consecuencia, o seu disponibilidade para os cultivos será menor. Palabras clave: lodos de depuradora, metais pesados, solos agrícolas. |
||||||||||||||||||||||||
