Mrs. Adela Abelleira Argibay¹, Dr. María Milagros López², Mr. Javier Peñalver Navarro², Dr. Olga Aguín Casal¹, Dr. José Pedro Mansilla Vázquez¹, Mrs. Ana Picoaga Montoussé¹ y Mrs. María José García Fernández¹

¹ Deputación Pontevedra, Estación Fitopatolóxica do Areeiro, Subida a la Robleda s/n, Pontevedra, Spain, 36153

² IVIA, CPVYB, Valencia, Spain, 46113

RESUMO: O cancro bacteriano do kiwi ocasionado por Pseudomonas syringae pv. Actinidiae foi detectado por primeira vez en Xapón e Corea; na actualidade constitúe unha enfermidade emerxente que está a ocasionar importantes perdas en China, Italia, Nova Zelandia, Francia, Portugal e Chile. Actinidia chinensis en particular os cultivares Jin Tao e Hort 16 A parecen ser máis susceptibles que o kiwi verde Actinidia deliciosa cultivares Hayward e Summer. A bacteria afecta tanto ás plantas macho coma ás femias, e as plantas novas son máis susceptibles. Os síntomas máis característicos que aparecen a principios de primavera son exsudados de cor laranxa avermellada ou branca asociados con chancros e feridas en pólas e/ou madeiros, ademais de manchas marróns nas follas, as xemas e os froitos tamén se ven afectados. A meirande parte do kiwi que se produce en España cultívase en Galicia, onde o principal cultivar é Hayward. En 2010 estableceuse a primeira plantación do cultivar Jin Tao e outra plantación de cultivar Summer, moi preto dunha plantación de Hayward. A principios da primavera de 2011, o 80% das plantas de ambas as dúas especies mostraban síntomas da enfermidade. A bacteria P. syringae pv. Actinidiae foi illada unha vez máis das plantas sintomáticas e ademais leváronse a cabo probas de patoxenicidade, inoculando as plantas sas coa bacteria, nas que os síntomas comezaron a aparecer cinco días máis tarde, mentres que as plantas control non inoculadas permanecían sas. A plantación de kiwi con plantas afectadas foi erradicada (25 ha). Esta constitúe a primeira referencia de P. syringae pv. Actinidiae en España.

R. Pérez-Otero¹, P. Borrajo², J.P. Mansilla¹, F. Ruiz²

¹ Estación Fitopatolóxica do Areeiro. Subida a la Robleda s/n. 36153 Pontevedra.

² Centro de Investigación Forestal de ENCE. Crtra. A-5000 km 7,5. 21007 Huelva.

RESUMO: No presente traballo cítase por primeira vez en España a presenza de Psyllaephagus bliteus Riek (Hymenoptera, Encyrtidae), parasitoide específico de Glycaspis brimblecombei Moore (Homoptera, Psyllidae) na provincia de Huelva (SO España). Este insecto australiano é utilizado como controlador biolóxico do psílido en diversos países obténdose moi bos resultados.

C. Pintos Varela, V. Redondo Fernández, O. Aguín Casal y J. P. Mansilla Vázquez

Estación Fitopatolóxica Do Areeiro, Deputación Pontevedra, Subida a la Robleda s/n. 36153 Pontevedra, Spain

Alejandro Solla¹; Olga Aguín²; Elena Cubera¹; Luís Sampedro³; J. Pedro Mansilla²; Rafael Zas⁴

¹Ingeniería Técnica Forestal. Universidad de Extremadura, Avenida Virgen del Puerto 2, 10600-Plasencia, Spain

²Estación Fitopatolóxica do Areeiro, Deputación de Pontevedra – Unidad Asociada MBGCSIC, Subida a la Robleda s/n, 36153-Pontevedra, Spain.

³Centro de Investigación Forestal de Lourizán – Unidad Asociada MBG-CSIC, Apdo. 127, 36080-Pontevedra, Spain.

⁴Misión Biológica de Galicia, CSIC, Calle Carballeira 8, 36143-Pontevedra, Spain

A. Abelleira, A. Picoaga, J. P. Mansilla y O. Aguin

Estación Fitopatolóxica do Areeiro, Subida a la Robleda s/n, 36153 Pontevedra. efa@depo.es

RESUMO: Este traballo constitúe a primeira referencia do nematodo da madeira do piñeiro Bursaphelenchus xylophilus no noroeste de España. Trátase dun organismo de corentena que está a ocasionar danos importantes nos piñeiros de todo o mundo. En Europa, detectouse por primeira vez en Portugal en 1999 e en España en 2008. Dende ese momento leváronse a cabo diversas medidas para reducir a súa dispersión. Dende 1999, nos nosos laboratorios analizáronse 5.155 mostras mediante técnicas morfolóxicas e moleculares para vixiar a posible presenza do patóxeno no noroeste de España. B. xylophilus foi detectado nunha masa afectada de P. pinaster no municipio de As Neves (Pontevedra, Galicia) en 2010. Esta rexión é unha das principais produtoras de madeira de piñeiro de España.

C. Pintos Varela, V. Redondo Fernández, J.P. Mansilla Vázquez y O. Aguín Casal

Estación Fitopatolóxica do Areeiro, Subida a la Robleda s/n, 36153 Pontevedra. efa@depo.es

RESUMO: Durante as prospeccións realizadas para a detección de Phytophthora ramorum nos xardíns e parques galegos durante o ano 2010, observouse que as plantas de Rhododendron spp establecidas mostraban manchas na folla e necrose e decaemento nos gromos e cancros e morte regresiva dos gromos e pólas. N. luteum e N. parvum foron identificados a partir destas mostras mediante técnicas morfolóxicas e o diagnóstico foi confirmado mediante a análise das súas secuencias de ADN. A patoxenicidade de cada un destes illados de N. luteum e N. parvum foi confirmada mediante a inoculación en catro plantas de viveiro de Rhododendron spp. de tres anos en maceta. N. luteum e N. parvum foron illados unha vez máis en todas as plantas inoculadas pero non nos controis. Esta constitúe a primeira detección de N. luteum e N. parvum sobre Rhododendron spp. en España.