Páxina Web da Estación Fitopatolóxica do Areeiro - www.efa-dip.org - Avisos Fitosanitarios

		UNIDAD ASOCIADA "SISTEMAS AGROFORESTALES": ESTACIÓN FITOPATOLÓXICA DO AREEIRO - MISIÓN BIOLÓGICA DE GALICIA

Inicio » Información Fitosanitaria » Avisos Fitosanitarios

BOLETÍN FITOSANITARIO AVISOS FITOSANITARIOS CURVAS DE VOO CONSELLOS LIMIARES
2018 2017 2016 2015 2014 2013 2012 2011 2010 2009 2008 2007 2006 2005 2004 2003 2002 2001 Anteriores

Sep13	Viña

Sep06	Viña e Maceira

Ago30	Viña e Maceira

Ago23	Viña, Maceira, Tomateira, Buxo e Plátano de sombra

Ago16	Viña, Maceira, Marmeleiro, Varias froiteiras, Piñeiro, Buxo e Plátano de sombra

Ago09	Viña, Maceira, Cítricos, Froiteiras de oso, Varias froiteiras e Castiñeiro

Ago02	Viña, Maceira, Castiñeiro e Piñeiro

Xul26	Viña, Maceira, Marmeleiro, Plantas ornamentais e Piñeiro

Xul19	Viña, Maceira, Plantas ornamentais e Plátano de sombra

Xul12	Viña, Maceira, Pereira, Marmeleiro, Froiteiras de óso, Pataca e Plátano de sombra

Xul05	Viña, Maceira, Pereira, Froiteiras de óso, Diversas hortícolas, Pataca e Buxo

Xuñ28	Viña e Maceira

Xuñ21	Viña, Maceira, Cerdeira, Tomateira, Pataca e Evónimo

Xuñ14	Viña, Maceira Nogueira, Piñeiro e Salgueiro

Xuñ07	Viña, Maceira e Buxo

Xuñ01	Viña

Mai31	Viña, Maceira e Varios cultivos

Mai24	Viña, Maceira, Kiwi, Melocotoeiro e Camelia

Mai18	Viña, Maceira, Marmeleiro e Kiwi

Mai15	Piñeiro

Mai10	Viña, Maceira, Kiwi, Camelia e Cultivos hortícolas

Mai09	Viña

Mai04	Viña

Mai03	Viña, Maceira e Cultivos hortícolas en xeral

Abr27	Viña, Maceira, Pereira, Ameixeira, Pataca e Cultivos hortícolas en xeral

Abr16	Varios Cultivos

Abr13	Viña, Maceira, Kiwi, Melocotoeiro, Pexegueiro e Piñeiro

Mar30	Viña, Maceira, Kiwi e Camelia

Mar22	Viña

Mar20	Viña

Mar12	Melocotoeiro, Ameixeira, Kiwi, Camelia e Eucalipto

Feb02	Eucalipto

Feb02	Piñeiro

Ene23	Buxo, Cítricos, Froiteiras e Viña

AVISO FITOSANITARIO

10/05/2012

VIÑA Estado fenolóxico: G (acios separados)

Mildeu:

A situación que observamos nas parcelas da nosa rede e noutras que visitamos, unha vez concluída a revisión semanal, é diferente segundo a comarca e mesmo entre terreos da mesma comarca: mentres no Rosal vimos algunhas manchas esporuladas nunha das parcelas do noso seguimento e noutras próximas, noutras non se detectaron, no Condado unicamente atopamos unha moi incipiente e sen esporulación, e no Salnés só nunha das parcelas se repetía a situación observada no Condado (unha mancha moi incipiente).

Algúns viticultores pode ser que teñan realizado xa un tratamento na tarde do día 9 debido á mellora das condicións climáticas. Nos demais casos, lembren que, se non se realizan os seguimentos específicos de detección da primeira mancha, débese intervir o antes posible, debido á humidade tan elevada dos días pasados e as temperaturas mais elevadas que sufrimos repentinamente.

No caso deste tratamento, debido ás especiais condicións nas que aplica e ao momento tan sensible no que se atopa a viña neste momento, é moi importante revisar os viñedos uns días despois para comprobar a eficacia da intervención realizada e renovala se non foi eficaz no control da enfermidade

Para aqueles viticultores que desexen continuar sen intervir ata detectar a primeira mancha, na táboa seguinte reflectimos a actualización do desenvolvemento diario segundo Goidanich:

Desenvolvemento teórico do mildeu (segundo Goidanich)
Comarca	Lugar	Concello	% desenvolvemento
Pontevedra	Areeiro	Pontevedra	92,89
	Barrantes	Ribadumia	89,58
	Castrelo	Cambados	114,12
Salnés	Corón	Vilanova de A.	146,99
	Pe Redondo	Meis	80,56
	Tremoedo	Vilanova de A.	85,29
Rosal	As Eiras	O Rosal	117,83
Condado	Meder	Salvaterra	78,93
Condado	Cequeliños	Arbo	62,60
Soutomaior	Soutomaior	Soutomaior	60,25

Primeira mancha de mildeu no Condado 2012

Primeira mancha de mildeu no Rosal 2012

Botrite:

Esporulación de botrite na folla

Vimos esporulación do fungo sobre follas que na semana anterior mostraban necrose na folla. Por este motivo, se non se aplicou o tratamento recomendado, aínda é bo momento para facelo, posto que aínda que vaiamos sufrir unha onda de calor segundo as previsións, o exceso de humidade destes días evaporarase con estas temperaturas e xerará condicións favorables.

Couzas:

En xeral, as capturas nas trampas son reducidas, e polo momento só son de Lobesia botrana.

Trips (Drepanothrips reuteri):

Ninfas de Drepanothrips reuteri

Nunha das parcelas da comarca do Salnés onde o ano pasado xa detectaramos este trips, atopamos as primeiras ninfas. Polo momento só se trata dunha situación puntual, pero obriga a iniciar a vixilancia. Para máis información sobre esta praga, consulte a nosa ficha técnica Nº62: Drepanothrips reuteri Uzel (1895). Thrips da vide.

Altica quercetorum:

Adulto de Altica no revés da folla

Vimos o primeiro adulto na nosa parcela de seguimento do Condado, pero non localizamos postas nin larvas.

MACEIRA

Moteado:

Manchas incipientes de moteado

Vimos os primeiros síntomas da enfermidade, de forma illada e só nunha planta, pero despois das chuvias dos días pasados posiblemente aparecerán en varias zonas. Recoméndase aplicar un tratamento se non se realiza un seguimento específico das plantas.

Pulgóns:

Ninfas e formas ápteras de pulgón cinsento

A elevación de temperaturas que estamos a sufrir favorecerá sen dúbida o desenvolvemento de novas colonias.

Cydia pomonella:

Carpocapsa pomonella - Penetración larvaria en froito da variedade golden

Na nosa finca do Areeiro superouse xa o limiar de tolerancia por número de capturas de machos na trampa. Aínda que as poboacións desta praga son diferentes segundo o terreo, se non se realiza un seguimento específico, recoméndase aplicar un primeiro tratamento.

KIWI

Bacterioses:

Pseudomonas syringae, síntomas nos botóns florais

O kiwi atópase neste momento no estado fenolóxico E (botóns florais visibles), e neste estado é FUNDAMENTAL APLICAR UN TRATAMENTO FRONTE ÁS BACTERIOSES para reducir danos, especialmente naquelas plantacións onde xa apareceron síntomas nas follas. Para máis información sobre estas enfermidades, consulte as nosas fichas técnicas Nº58: Pseudomonas syringae pv syringae e P. viridiflava en Actinidia spp. en Galicia y Nº59: Pseudomonas syringae pv actinidiae responsable do cancro bacteriano en Actinidia spp.

Lembren que o Rexistro de Produtos Fitosanitarios do Ministerio recolle para este uso: oxicloruro de cobre 38%, 52% ou 70%, óxido cuproso 80% e sulfato tribásico de cobre 19%

CAMELIA

Cosetacus camelliae:

Detalle do botón floral de camelia afectado polo ácaro Cosetacus camelliae

Nestes momentos moitas camelias están a agromar e noutras estase a producir a elongación dos gromos, polo que se debe aplicar un tratamento fronte a este ácaro.

CULTIVOS HORTÍCOLAS

Varios fungos patóxenos:

Lembren que, como xa indicamos, é moi importante protexer canto antes as plantas hortícolas fronte os patóxenos máis frecuentes que lles afectan, dada a evaporación que se rexistrará a nivel do chan a consecuencia das chuvias pasadas e as actuais condicións de temperatura.